اشتقت لك .. مش قادرة أقولك كيف غيابك مني كسرني ولا قادرة أقولك إني من غيرك بموت الفرقة كانت فيا شبه تابوت والدفنة صوتك لما ودعني إزاي قدرت بكل قسوة وكبر توجعني حبيتك .. وصعب أنكر إني من غيرك تعبت وإني بشوف صورتك فـ عيون جميع الناس مش قادرة أصدق إن قلبي انداس وانك كسرته وغيبت عنه وسيبت مش قادرة أنكر إني من غيرك تعبت الله يسامحك علي كل وجعي وكل حزن سرسبته جوايا سمك فـ دمي ورغم كونه السم أنا لسة فاكرة السم دة دوايا لكن كفاية أن انت علمتني إني أقولك لأ وقت اما عوزت تجيلي من تاني واديك قدرت تعيش ماسك فـ ايدها فاكرها هتدوملك خليني بس افكرك بيا أنا كنت ام بكل شئ فيا أنا كنت ليك وانت الي مش ليا علشان كدة : أنا كنت مش هي .. والله سهل أني اهجي فيك الشِعر لكن قصايدي بريئة من سيرتك .. ظنيت في قلبي الشر وسامحتك .. لكن معادش في شئ .. يدفعني امسك فيك .. بقالي 6 شهور بتسبني وارجع ليك بنسي الوجع عمداً واكدب وأقول بيحب وبكرة يتعلم وبكرة يتغير ! ومفيش نتيجة لـ صالحي لأ بالعكس .. بتعود شيطان بيدوس علي قلبي .. كان ذنبك الإهمال والاهتمام ذنبي .. المرة دي انا سيبت بلا راجع...
المشاركات
- الحصول على الرابط
- X
- بريد إلكتروني
- التطبيقات الأخرى
فراقك فعل مش فاضح " حبيته من قلبي ، ملقيتش غير ذله اذا كان حبيبك عسل ، متخلصوش كله هددتني بغياب ، وأنا كنت مش قده فـ مسكت فيك وبغلب ، وقولت متسبنيش ظنيت فـ قلبك خير ، وانا ظني جه علي مفيش وقولت عني كلام والله مش فيا وشفتني ببكي ، رديت بسخرية : " معلش يا ضحية " صوت قسوتك يومها سمعته باستغراب .. مين الي علي التليفون ! انت الي حبيتك ؟ الصوت خارج منك بس الكلام من مين ! مين انت فهمني ! آخرتها تهملني ؟ آخرتها تنهيها بالكسرة دية ليا .. آخرتها تنهيها بكلام مهوش فيا ؟ جيتلي وارضك بور ، فـ زرعت فيك م الورد .. ووهبت قلبك دفي ، كيف الكوفية فـ برد .. اديتني ايه انت !؟ غير الوجع والخوف ، اديتني ايه غير حزن ع المكشوف نقطة الضعف الي فيا عريتها قدامك وأنا ظني بيك كان خير أنك هتحميني ، أيدي الي وجعتني مسكتني منها وحلفت تنهيني ! ركنت حلمي ومشاغلي وكل شئ لجلك ، لجل اني افضالك وجي دلوقتي تعايرني بأفضالك ! وتقولي اصلي عملت ! عملت ايه ليا ، غير كام فرح يتعد ، وحزن اضعافه ! طلعت بيك السما ونزلت بيا الارض .. وقولتلك اني سنداك ليوم العرض .. واحتاجت لوجودك ملقيتش كتفك ...